Öyle Sermestem ki…
-Fuzûlî-
Öyle ser-mestem ki idrâk itmezem dünyâ nedür
Men kimem sâkî olan kimdür mey ü sahbâ nedür(1)
Gerçi cânândan dil-i şeydâ içün kâm isterem
Sorsa cânân bilmezem kâm-ı dil-i şeydâ nedür
Vasldan çün âşıkı müstağni eyler bir visal(2)
Âşıka ma‘şûkdan her dem bu istiğnâ nedür
Hikmet-i dünyâ vü mâfîhâ bilen ârif degil
Ârif oldur bilmeye dünyâ vü mâfîhâ nedür
Âh u feryâdın Fuzûlî incidübdür âlemi
Ger belâ-yı ışk ile hoşnûd isen gavgâ nedür
Şiir Notları:
“Fâilâtun/ fâilâtun/ fâilâtün/ fâilun” –
(1) Sâkî: Gönle Allah aşkını akıtan, mürşid-i kâmil. Mey ü sahbâ: Şarap yani ilahi aşk.
(2) Veya: “Âşıkî ma‘şukdan müstağni eyler bir visal”.
Not: Kazancı Bedih yorumuyla dinlenilebilir, tavsiye ederiz.